"Liburu galegoak ez du oihartzunik"
Galiziako editoreek literatura bultzatzeko neurriak eskatu dizkiote Xuntari, Migel Anxo Fernán Vello (Lugo, 1958) bertako elkarteko buruak dioenez.
Galdera. Zergatik da hain ezezaguna zuen literatura?
Erantzuna. Galizian XX. mende hasieratik bada tradizio literario bat, Anxel Casal lehen editore galego modernoak oinarriak ezarri zituenetik. Egun 32 enpresa ditugu eta eskaintza aberatsa eta anitza da. Nazioarteko oihartzuna duten hainbat autore ditugu. Naturaltasun osoz bizi dugu hori, baina beste gauza bat da errealitate honek kanpoan duen oihartzuna.
G. Zeintzuk dira elkartearen erronka nagusiak?
E. Galiziako liburua behar den tokian ezartzeko presio izugarria egin genion Gobernuari eta neurriak hartu behar zirela onartu zuten. Hauteskundeen aurrerapenarekin, ordea, dena izoztua gelditu da.
G. Zer eskatu diozue Xuntari?
E. Adibidez, liburutegietara nobedadeak behar bezala iristea eta irakurzaletasuna bultzatzea.
