Chega a Galicia a primeira mostra de Tarsilia do Amaral
A Fundación Caixa Galicia inaugurou onte na súa sede compostelana, en colaboración coa Fundación Juan March, a primeira exposición adicada á artista Tarsilia do Amaral en Galicia.
O conselleiro de Educación,Jesús Vázquez, o director xeral de Caixa Galicia, José Luis Méndez, e o alcalde de Santiago, Xosé Sánchez Bugallo, acudiron ó acto inaugural da mostra, que recolle preto dun cento de pezas da artista e se considera a máis importante ofrecida ata hoxe en España e unha das máis destacadas que se lle teñen dedicado á pintora fóra do seu Brasil natal.
A exposición manterase deica o 31 de xullo e componse de obras dos anos 20 e 30. Esta é a época máis prolífica da artista, na que soubo fusionar a influencia das vangardas europeas coa tradición popular da súa terra, nun estilo propio que inauguraría o movemento brasileiro coñecido como antropofáxico e co que procurou asimilar a cultura europea transformándoa con temas e cores locais.